Gûcûna mûnyû;
Gûtira nyondo;
Ndûrûme ya gûcûna mûnyû yarutagwo nî ithe wa mwanake agatwara kwa mûirîtu, nayo thenge ya gûtira nyondo yarutagwo nî ithe wa mûirîtu hamwe na ndûrûme ya horio agatwara kwa ithe wa mwanake.
Mûirîtu aracagîrio na akagurarîrio arî ogwaithe nîacokaga agathiî kwa mwanake thikû inyanya. Thikû cia mbere inya akomaga kîrîrî, na nîaikaragio nî arî anyina na airîtu a Rika rîake.
Nîo mamûrehagîra irio tondû ndarîaga cia kwa mwanake. nayo thikû ya gatano nyûmba îgakwo na tondû ndîngîrara îîgîberi ndî kamîo nî hiti, nîkwararaga kahîî na kairîtu.
Thikû ya gatandatû nyina wa mwanake agathiî agakia mwaki nyûmba îyo ya mwanake na akaruga ûcûrû na akara ndarwa harîa mwanake na mûirîtu marîkomaga agakíihûra ûcûrû kîihûriinî na akanengera mûirîtu atwarîre mûthuriwe na oho agakîmûtonya kîrîra kîa wîihûri, waûri na warîri.
Agacoka akahaka mûirîtu ûrîa maguta ma mbarîkî arî njaga na hwainî magakîrarania na mwanake o mûthenya ûcio na akarara agîcakaîra ûgathirange wake.
Mûthî wa mûgwanja nî wa mûtîîro na wakanana nî wa icanjama nîguo mûirîtu oragia nûû wînja nyume thutha ûcio mwanake nîoragio riboti îhana atîa nî ithe nîguo njohi îrîa arahandîte ameneane îna ndûmîrîri, wakorwo ararî gathirange yekagîrwo bibi cia mbûri na wakorwo ndararî gathirange îgekîrwo makara, rîu ithe wa mûirîtu angîakorire makara ahiûkagîrwo na akanegenia nyina tondû ndonirie mwarî kûringa nguo!! na akoya thenge na ngoima ya kûhoria agagîthiî nacio kwa mwanake.
Nanocio ineagwo mwanake angîhikia mûkoma thî, thenge îrî ya gûtira nyondo. Mûthuri angîakorire mbimbi athekaga na ka rwere tondû nîamenyaga ndûrûme ya gûcûna mûnyû înjîra tondû mwarî ararî gathirange.
Mbûri ya gûcûna mûnyû nîaigana mena thirî wayo na nîaigana megûtirîrwo nyondo? Indo ici nî ciene nonginya ineanwo kana ithie na mbere na kûrîa mîciî itû.
Mûgacikû no ngamba noru araikia mbugi manjarara...